понедельник-пятница «Прыйшоў Багач – хавай рагач, даставай сявеньку ды сей памаленьку». Так казалі нашы дзяды. Сама назва свята адсылае нас да багацця, дастатку і дабрабыту. У гэты дзень было прынята пячы вялікі каравай з мукі новага ўраджаю, а таксама напаўняць усёй вёскай лубок свежанамалочаным жытам. У яго ўстаўлялі свечку і ўрачыста абыходзілі з гэтым «багачом» усю вёску. Абрад быў скіраваны на захаванне добрабыту, ураджайнасці і сямейнага ладу.
21 верасня 2023 года падапечныя аддзялення сацыяльнай рэабілітацыі, абілітацыі інвалідаў прынялі ўдзел у гульнёвай праграме «Багач заткнуў у страху рагач». Удзельнікі мерапрыемства пастараліся перадаць традыцыі святкавання «Багача». З задавальненнем госці адгадвалі загадкі, складалі прыказкі і прымаўкі, весяліліся пад польку і падыспань, удзельнічалі ў гульнях.
